Luis Aragunde

Un numeroso grupo de máis de cen cambadeses desprazouse a Vigo en dous autocares para respaldar ao futuro presidente do Goberno de España, Mariano Rajoy, no gran mitin electoral celebrado no salón feiral de Ifevi. Ao frente desta delegación cambadesa viaxou o alcalde, Luis Aragunde, que expresou a súa convicción persoal de que o triunfo do Partido Popular nas eleccións do vindeiro domingo será determinante para garantir un cambio necesario e unha mellora notable na situación da política e da economía nacionais.

O recinto de Ifevi quedouse pequeno para acoller ás máis de 6.000 persoas que o ateigaron. Ao longo do mitin interviron Ana Pastor, que podería ser ministra no futuro goberno popular, Alberto Núñez Feijóo, presidente da Xunta de Galicia, e Mariano Rajoy, que foi aclamado con berros de ¡presidente!, ¡presidente!

O político pontevedrés prometeu formar un “goberno de xente competente que lidere o cambio político”, para “mellorar a situación de España e que Europa non teña que darnos ordes para xestionar a crise económica”

Mariano Rajoy tamén lle pediu confianza á Unión Europea, porque o goberno socialista xa finiquitou, e o novo goberno do Partido Popular “vai dar un volantazo que permita a España ver a luz ao final do túnel”.

O alcalde, Luis Aragunde, xunto co primeiro tenente de alcalde, Antonio Iglesias Pombo, e a deputada autonómica Rosa Oubiña, abriron a campaña electoral en Cambados coa tradicional pegada de carteis no centro da vila do Albariño.

Un amplo grupo de militantes e simpatizantes colaboran nas tarefas co obxectivo esencial e ilusionante de que un pontevedrés, Mariano Rajoy, se convirta no novo presidente do Goberno de España.

A xuventude de Cambados, moi motivada, tamén se implica nas tarefas para lograr que por primeira vez na historia un dignísimo Cabaleiro do Albariño sexa presidente da nación.

Nesta cita tan trascendental non se poden escatimar esforzos para respaldar as candidaturas populares de Galicia e das outras comunidades autónomas.

Traballando xuntos podemos conseguir que o 20 de novembro as urnas amosen un rotundo triunfo do Partido Popular e un solvente Goberno do Cambio que nos permita iniciar a saída da dura crise económica e social que deixa en herdanza o PSOE de Zapatero e Rubalcaba.

Quero que as miñas primeiras palabras sexan de agradecemento para todos os cambadeses e cambadesas que o pasado 22 de maio, cunha alta participación que acadou o 76,01 % do censo, deron unha nova lección de madurez democrática, decidindo a composición desta nova Corporación Municipal.

Agradecemento que fago estensivo a todos cantos depositaron a súa confianza na candidatura do Partido Popular, e facendo posible que, neste acto, poida ser proclamado Alcalde de Cambados, continuando co labor iniciado polos meus predecesores no cargo, Antonio Pillado, Santiago Tirado e José Manuel Cores Tourís.

Ante esta gran responsabilidade que hoxe asumo, quero expresarvos o meu compromiso de que pondrei todo o meu empeño en traballar arreo, xunto co equipo de goberno, para que Cambados continúe camiñando pola senda da prosperidade, cumprindo cos nosos compromisos.
Desenvolveremos unha política de dinamización e crecemento equitativo entre todas as parroquias.

Serán obxectivo prioritario da nosa xestión traballar conxuntamente cos sectores económicos e sociais para combatir o drama do paro que hoxendía afecta a centos de familias do noso contorno, para isto continuaremos potenciando os recursos do noso municipio: o viño e os productos da horta, a pesca e o marisqueo, o comercio e a industria, a hostelería e o turismo, pilares básicos da economía dos cambadeses e cambadesas.

O medioambiente, as políticas sociais, a cultura e o deporte, serán tamén prioridades para o grupo de goberno nesta nova lexislatura, áreas polas que os cambadeses sempre amosamos unha gran sensibilidade, simbolos dunha sociedade moderna e solidaria.

Seguiremos desenvolvendo proxectos e actividades dirixidas a tódalas idades da poboación.

Todos somos conscientes da dificil situación económica que está a vivir o país, e isto conleva inevitablemente unha merma importante dos orzamentos, pero en ningún caso vai supoñer unha rebaixa dos servizos nin da súa calidade.

Traballaremos optimizando máis os recursos e xestionando con maior eficacia, adaptándonos ao novo contexto económico, no que tódalas administracións debemos axustarnos aos criterios de austeridade, e priorizar actuacións, atendendo as necesidades dos veciños.

Seguiremos colaborando activa e lealmente con tódolas administracións. Creemos fehacentemente ten que xurdir un novo modelo de prestación de servizos, máis acorde coa realidade actual.

A comarcalización de servizos debe ampliarse como ferramenta importante na optimización dos recursos e mellora da calidade.

Debemos seguir mellorando Cambados, para que siga sendo referente: un municipio coidado, agradable e hospitalario onde nos gusta vivir.

Cun Conxunto Histórico ben restaurado e que tanto valoran os nosos visitantes. Cunhas parroquias cos mesmos servizos que o centro urbano.

Un municipio con identidade propia, calidade de vida, harmonía social e solidariedade.

Coa axuda e colaboración de todos os cambadeses seguiremos avanzando e construindo o modelo de municipio que todos desexamos e que entre todos convertimos nun referente do noso país.

Polos nosos antepasados, polas presentes xeracións e sobre todo polas que virán no futuro, pídovos a todos os membros electos desta Corporación Municipal, compromiso, respeto e colaboración democrática.
CAMBADOS O MERECE ….. MOITAS GRACIAS¡¡¡

Luis Aragunde superou o maior reto da súa vida ó gañar con rotundidade a batalla electoral e conquistar a Alcaldía cos mellores resultados da historia democrática en Cambados. A nova Corporación, que se constituirá o vindeiro 11 de xuño, contará con 11 concelleiros do Partido Popular, por 3 do BNG e outros 3 do PSOE, forzas da oposición que se viron amplamente superadas.

A histórica victoria electoral reflictiuse en todas as mesas, tanto nas do casco urbano como nas das parroquias, superando o PP os resultados anteriores cun total de 5.208 votos, fronte ós 1.742 do BNG e ós 1.385 do PSOE.

A candidatura do Partido Popular, con Luis Aragunde á cabeza, realizou unha campaña intensa e moi participativa, xerando ilusión no electorado, ateigando nos seus mítins os centros culturais das parroquias e o salón de exposicións José Peña dúas veces.

O refrendado alcalde popular manifestou a súa enorme satisfacción e agradecemento por estes resultados, salientando que “isto supón un enorme reforzo moral, cargar as pilas para seguir traballando, pero tamén significa moitísima responsabilidade para non defraudar ós cambadeses”.

O alcalde cambadés e a súa candiatura obtivo máis dun 60 por cento dos votos outorgados, o que supón un milleiro de votos máis que nas anteriores eleccións. Supera en 3.466 sufraxios á segunda lista máis votada (BNG) e en 3.823 á terceira (PSOE).

Os mitins do Partido Popular están obtendo unha excelente acollida. O discurso coherente e as atractivas propostas do alcalde e candidato, Luis Aragunde, incrementan o poder de convocatoria dun partido que conta os seus mítins por cheos dos respectivos aforos.

Se nas parroquias os centros culturais se quedaron curtos no aforo, onte no Salón Peña as máis de 800 persoas que escoitaron os discursos do Vicepresidente da Deputación, do Delegado Territorial, de Ana Pastor e de Luis Aragunde ateigaron o recinto feiral.

O respecto no discurso, as propostas en positivo e os plans de futuro para Cambados foi a tónica destacada de cada un dos oradores.

Ao grito de Alcalde, Alcalde!! as máis de 800 almas populares non deixaron de animar a aplaudir o discurso moderado, cargado de propostas en positivo, esperanzador e educado co adversario político do candidato.

Luis Aragunde quixo tamén agradecer e todos os simpatizantes, colaboradores, amigos do Partido Popular e a toda a sociedade cambadesa o apoio masivo que tivo nos actos organizados.

O centro cultural de Vilariño tamén se encheu no mítin popular

Os mitins do Partido Popular están obtendo unha excelente acollida nas parroquias cambadesas. O discurso coherente e as atractivas propostas do alcalde e candidato, Luis Aragunde, incrementan o poder de convocatoria dun partido que conta os seus mítins por cheos dos respectivos aforos. Onte volveu suceder en Vilariño, onde o centro cultural quedouse escaso para as máis de 150 persoas que escoitaron os discursos.

Este éxito de audiencia contrasta co fracaso do PSOE e do Bloque que son ignorados nos núcleos rurais, onde tiveron que suspender varios mitins.

Luis Aragunde compareceu acompañado polos candidatos de Vilariño, Isabel Varela Piñeiro e Ricardo Quintáns, ademais da deputada autonómica Rosa Oubiña. O alcalde fixo un balance dos proxectos realizados nos últimos anos citando en primeiro lugar o novo campo da festa e área recreativa, xa estreado con motivo do festival das Letras Galegas. Trátase dun espazo de 6.500 metros cadrados, onde ten cabida un parque infantil, unha pista deportiva, un picadeiro e un campo da festa amplo onde poden concentrarse máis de 2.000 persoas nun concerto ou verbena.

Outro proxecto recente foi o da renovación da ponte Barrantes-Covas de Lobos con dotación de beirarrúas e novas luminarias, xunto coa depuradora EDAR de residuais do Umia que permitirá recoller todos os verquidos dos `polígonos industriais. Tamén se levou a cabo o acondicionamento da área recreativa na ponte de Covas de Lobos., a recuperación da ribeira do río Umia; melloras e novos equipos informáticos no Centro Cultural e acondicionamento da escola unitaria para centro social.

No que respecta á rede de augas, rematouse a ampliación da rede de pluviais no Sineiro emais a ampliación da rede de auga potable a Sete Pias e A Modia. En saneamento ampliouse a rede en Laxe, San Antón, Sameiro e Outeiro, e `pavimentáronse pistas en Sineiro (con novas luminarias), Sameiro, Laxe, San Antón, A Forca, Bouciña, Telleira, Covas de Lobos, Casas Novas, Sete Pías e Cacabelos

De car aós vindeiros 4 anos, Vilariño poderá contar co novas dotacións de mobiliario para a área recreativa que vén de estrearse; a potenciación dos apoios e axudas as cooperativas do sector da horta e do viño, con feiras sectoriais a desenvolver no salón José Peña; oficina de asesoramento ó sector agrícola en Exposalnés; promoción das rutas do viño e rutas turísticas da parroquia; implantación da rede Internet no Rural, e dotación dun servizo de limpeza e mantemento.

Os vilariñenses desfrutaron onte dunha xornada inesquecible no novo campo da festa e área recreativa da parroquia, que foi o magnífico escenario onde se celebrou o Festival das Letras Galegas coa participación de dous milleiros de persoas.

Dende as primeiras horas da tarde fóronse achegando ó recinto grupos de veciños que querían presenciar primeiro o torneo deportivo infantil e, a continuación, a exhibición hípica e de doma equina que fixo as ledicias dos asistentes.

Unha vez rematadas as actividades deportivas dou comezo a actuación dos grupos folclóricos Os Carballeiras e Con de Xido, ademais do coro vilariñense Clave de Sol, que aportaron a nota musical emais a literaria coa lectura de poemas de Lois Pereiro, homenaxeado en toda Galicia con motivo do Día das Letras.

O fin de festa aportouno a orquestra Panorama cunha espectacular posta en escena que nunca defrauda. Centos de seareiros do grupo e de afeccionados en xeral disfrutaron dos arranxos musicais desta orquestra que conta por éxitos os seus concertos.

Os beneficios que se obtiveron no concerto desta orquestra serán doados na súa totalidade á asociación de atención a discapacitados psíquicos Esperanza Salnés.

A partir desta edición das Letras Galegas, cada 17 de maio o Concello vai celebrar un acto central, como este de Vilariño, nunha das parroquias cambadesas, sen perxuizo da programación tradicional de cada ano.

O alcalde, Luis Aragunde, quixo expresar unha vez máis o seu agradecemento a colaboración vecinal dos propietarios que cederon os terreos para poder construir esta flamante área recreativa e campo da festa, unha histórica demanda dos vilariñenses.

Preto de 200 veciños achegaronse o local que se que dou pequeno para escoitar os feitos e as propostas de Luis Aragunde e o seu equipo.

Arredor de douscentos veciños e veciñas, unha ampla representación da parroquia de Corvillón, déronse cita no centro cultural para participar no terceiro mitin da campaña. Unha sala ateigada –igual que en Castrelo- para escoitar un balance das realizacións e das propostas da candidatura do Partido Popular, con Luis Aragunde como cabeza de cartel.

O alcalde e candidato popular compareceu neste acto acompañado pola deputada autonómica Rosa Oubiña (número 16 da lista electoral), do ex alcalde Santiago Tirado, ademais dos candidatos do PP por Corvillón: Rodrigo Rey Vázquez, María José Oubiña Miser, Mónica Lorenzo e Luis Alberto Serantes.

Luis Aragunde enumerou algunhas das principias obras que se realizaron en Corvillón ó longo destes catro anos, nos que o goberno municipal levou a cabo un intenso labor que permitiu mercar e acondicionar o solar do novo aparcamento o cal se está rematando preto da Igrexa parroquial. Este amplo e demandado estacionamento conta cunha superficie de 1.200 metros cadrados, con capacidade para uns 60 coches.

Outras intervencións salientables, que se foron remarcando con proxeccións audiovisuais, consistiron na dotación de alumeado e parque infantil no campo da festa d´A Seca; renovación do patio e pista deportiva do colexio público; melloras no centro social Xacobe Castro emais reforma da rotonda da Cabana; obras de saneamento no contorno do muiño d´A Seca; canalización da rede de augas pluviais no contorno do colexio, e alumeado en Tragove, ademais doutros labores de asfaltado e ampliación da rede xeral de auga potable.

De cara ó vindeiro cuatrienio Corvillón contará co saneamento integral no estanque d´A Seca, cun custe de 2 millóns de euros que a Xunta vai investir na recuperación de todo o Saco de Fefiñáns para potenciar o marisqueo. Ademais, dende o Concello vaise impulsar a rexeneración da fachada litoral de Tragove, cunha nova sede de Protección Civil no contorno do porto, a creación dun equipo de conservación e mantemento da parroquia, pavimentación de pistas rurais e urbanas, así como novas canalizacións para augas pluviais e residuais, entre outros proxectos.

Máis de 500 persoas disfrutaron deste festival Internacional.

O XIX Festival Folclórico Internacional, organizado pola asociación cultural Con de Xido de Castrelo, acadou un sobresaínte éxito de público ó congregar arredor de 500 persoas no recinto do parque de Torrado.

O conselleiro de Educación, Jesús Vázquez, acudiu a este evento acompañado do alcalde, Luis Aragunde, os cales disfrutaron da excelente calidade musical e artística deste festival. Este ano participaron os grupos Danzantes de Cobas, Tradicional Aroña de Escarabote-Boiro, o anfitrión Con de Xido e, como convidado especial, o Recreativo Etnográfico As Tricanas Poveiras de Portugal.
Antes, a mediodía, o alcalde presidiu a recepción oficial a Con de Xido no seu 24º aniversario e ó grupo Poveiras–Portugal que chegou do país veciño para enriquecer o intercambio cultural deste ano.

Os operarios iniciaron o derrubamento da edificación situada na parcela de San Tomé, onde se vai construir o Centro de Día para atender ás persoas maiores que o precisen. O goberno municipal puxo a disposición da consellería de Traballo e Benestar os terreos emaila edificación.

O Centro de Día contará con sesenta prazas de acollida e estará dotado de comedor e transporte para que todos os anciáns poidan acudir a el coa maior comodidade. Tamén está previsto centralizar no novo edificio as tarefas do Programa de Axuda a Domicilio, así como as de cooperación en minusvalías e drogodependencias.

Durante os últimos meses intensificáronse as xestións encamiñadas a contar cunhas modernas instalacións para uso e disfrute das persoas da terceira idade que, polas súas especiais circunstancias, non dispoñen desa atención nos seus respectivos domicilios.

A conselleira de Traballo e Benestar, Beatriz Mato, visitou Cambados para coñecer estes terreos e afirmar a súa idoneidade, constatada polos técnicos da Xunta, para a posta en funcionamento do devandito centro.

Trátase dunha obra prioritaria para o goberno municipal posto que foi un dos principais compromisos adquiridos para este mandato. Segue sendo a gran aposta do grupo de goberno tralo compromiso adquirido en 2007, cando se deixou patente que o impulso dos servizos sociais debería ser a gran cuestión que deben afrontar as institucións no século XXI.