Inicio
 




Novos aparcamentos no centro

Creación de novas prazas de aparcamento no centro de Cambados. 

No último ano creáronse preto de 400 novas prazas de aparcamento no entorno comercial de Cambados. Novo aparcamento na Avda. do Salnés, apertura das rúas Atlántico e Juan Pablo II, nova distribución da zona de estacionamento no paseo marítimo. 


 



Melloras no Pavillón do CEP Antonio Magariños

Pavillón Polideportivo do CEP Antonio Magariños. 

O equipo de goberno apostou polos centros educativos. Despois da creación do comedor e da ampliación da biblioteca deste centro, o equipo de goberno apostou pola creación dun novo pavillón para dar collida ás actividades físicas dos cativos e outras extraescolares.


 



Pechamos o 2014 cun superávit próximo aos 500.000€

A boa xestión do equipo de goberno  fixo que o exercicio 2014 se saldase cun superávit próximo ao medio millón de euros.  O remanente de tesourería ascende a 457.430€ o que implica que se mantivo a estabilidade e incluso se superaron as expectativas de aforro con 62.000€ máis que no exercicio do 2013. Ademais disto, o balance respecto as débedas pendentes de cobro é positiva en preto de 150.000€. 

As políticas económicas que estamos a desenvolver non son incompatibles con investimentos importantes, así pois, se están levando a cabo obras de gran importancia para o centro e as parroquias coma o caso do Centro de Día, o saneamento do Saco de Fefiñáns, a nova praza de abastos ou a renovación do pavillón deportivo do IES Ramón Cabanillas e o Complexo Deportivo do Pombal. Cómpre salientar tamén a renovación de centros educativos en todo o municipio, a organización de programas culturais e máis o apoio aos nosos sectores produtivos.

 


 

Ir á primeira páxina Ir á páxina anterior 

 
 
 Ir á páxina seguinte Ir á última páxina